Fjernvarmen er i vekst over store delar av Europa. Samstundes kjem ein stadig større del av varmen frå fornybare energikjelder og overskotsvarme, viser Euroheat & Power sin nye DHC Market Outlook 2026.
I 2024 blei det bygd meir enn 1 500 kilometer nye fjernvarmerøyr. Fram mot 2030 kan over 2,2 millionar nye hushald bli kopla til fjernvarme i landa rapporten har data frå.
Fornybar energi og overskotsvarme utgjorde 46,2 prosent av energiforsyninga i europeiske fjernvarmesystem i 2024. Biomasse er framleis den største fornybare energikjelda, medan mellom anna store varmepumper, geotermisk energi, varmelagring og overskotsvarme får større plass.
Utviklinga viser kor viktig fjernvarmen er for å utnytte lokale energiressursar, redusere bruken av fossile brensel og avlaste kraftsystemet. Framtidas varmeforsyning vil byggje på eit fleksibelt samspel mellom fleire teknologiar, der bioenergi held fram med å spele ei sentral rolle.